زهرة عباد الشمس: (هليوس وكلايتي)

     القصة بتقول إن كان في حورية مائية اسمها "كلايتي"، وكانت بنت "اوشينوس" اللي بيمثل المحيط واخته "تيـثس" المنحدرين من "جايا" و"أورانوس".

"كلايتي" كانت مغرمة بـ "هيليوس" الإله اللي بيمثل الشمس، لكنه مكانش بيحبها وهجرها عشان يروح لواحدة تانية اسمها "لوكوثيا" اللي هي بنت الملك "أورشاموس"، مما أثار غضبها جدًا وخلاها تفكر فالانتقام من البنت عشان "هيليوس" يلاحظها ويحبها هي.

قررت "كلايتي" تفضحهم وقالت عن علاقتهم لكل الناس مما أدى لوصول الخبر لأبوها الملك، اللي قرر يعاقب بنته بدفنها حية، وبالفعل عمل كدة..
"كلايتي" كانت فاكرة إنها لما تعمل كدة "هيليوس" هينسى "لوكوثيا" وهيحبها هي، لكن اللي حصل العكس تمامًا.

"هيليوس" قلبه قسي من ناحيتها وكرهها أكتر وساعتها قررت "كلايتي" إنها تقلع هدومها كلها وتقعد على صخرة و تبص للشمس، يمكن قلبه يرق وتصعب عليه..بس للأسف ده محصلش.

فضلت كدة لمدة تمن أيام من غير أكل و لا شرب ولا حركة، قاعدة بس وباصة للشمس
وفاليوم التاسع اتحولت لزهرة عباد الشمس وفي أقوال تانية بتقول انها اتحولت لزهرة الـ "heliotrope" اللي اسمها بالعربي "رقيب الشمس" واسم الزهرة نفسه فيه اسم هيليوس أصلًا ف أول جزء D: .

 

في رواية تانية بتقول إن بسبب رفض "هيليوس" الدائم لـ "كلايتي" بدأت تحزن وحزنها خلاها تمرض، وكان كل تفكيرها متحمحور حوالين إله الشمس..
أهملت نفسها، بطلت تاكل وتشرب ومبقتش تهتم بلبسها ولا بشكلها وبسبب كدة ماتت بعد فترة قصيرة.

ولكن حتى بعد ما ماتت فضلت وفية وفضل حبها لـ"هيليوس" موجود، ف أعضائها انغرست فالأرض وجسمها اتحول لجذع رفيع وراسها كان شكلها مختلف عن باقي الأزهار فكانت راسها بتلف ناحية الشمس علطول.

 

"كلايــتي"

تعليقات

إرسال تعليق

المشاركات الشائعة من هذه المدونة

Todo VS Aliens

صورة
Today I'm going to talk about the Todo marketing  campaign.For those who don't know Todo:  Todo is one of Edita's products. Edita is a market  leader in baked food products, with a portfolio of  brands that includes Molto,TODO, MiMix, Bake   Rolls, Bake Sticks, and Fresca.  What is very impressive about Todo marketing  is that They have an eye for the opportunities opened by any trend using a comedic style. The thing that makes people, even if they aren't intending to buy the product, still aware of it's presence. Now, let's see an example of the innovation of this amazing marketing team of Todo:     Once upon a time  there was a brand of chocolate  milk called Cadbury Dairy Milk, ​ ​ that brand was  introduced in the United kingdom in 1905. Each  product of that brand is made exclusively with milk  chocolate. their slogan is “ free the joy".       Everyday  that brand uses social media to raise  awareness of their brand and increase their sales.      One d
قراءة المزيد

من أحق بمعرفتك أكثر من نفسك؟

صورة
  ايه هو ال MBTI؟؟ ال MBTI هو اختصار ل  Myers-Briggs Types Indicator و ده معناه مؤشر"مايرز بريغرز" للأنماط، و هو حاجة زي استبيان كدة الشخص بيملاه بناءً علي وجهة نظره و طريقة تفكيره فالحاجات اللي حواليه و بيطلعله نتايج بناءً علي اختياراته دي. الأنماط اللي بتطلع من النتايج دي هما 16 نمط مش بيتغيروا و انت لازم بتطلع واحد من ال 16 نمط دول،والتايب(النمط) بتاعك مش بيتغير، مش بيتغير،  مش بيتغير!    في دراسات عن النظرية دي بتقول ان التايب بتاعك بيفضل معاك من يوم ولادتك (حاجة زي ال DNA كدة يعني).. عارفة أول سؤال جه ف دماغكم..طب ازاي بعد كل الحاجات اللي بمر بيها فحياتي و شخصيتي هتفضل زي ما هي؟ اكيد انا دلوقتي مش هو أنا من خمس سنين؟   هقولك صح فعلًا بس انت شخصيتك متغيرتش..انت بس نضجت ، و ف ال MBTI تحديدًا ده اسمه تطوير ال functions بتاع ال type بتاعك (بس ده موضوع تاني كبير فسيبونا منه دلوقتي) المهم ان التايب بتاعك مبيتغيرش فمحدش يفكر ف الحوار ده خالص او يخليه يدخل دماغه عشان احنا ناس كبيرة و عيب كدة ♥ في ناس تانية بتفكر ان ازاي انا ممكن احصر نفسي ف نوع واحد من 16 نوع..عاوزة تفهميني ان ش
قراءة المزيد