سلالة الآلهة الاغريقية (2): Gaia وذريتها

Gaia: the mother of everything beautiful

آخر حاجة وصلنالها أن Chaos خلفت Gaia (جايا) وEros (إيروس) وTartarus (تارتاروس) 

تمام؟ تمام.

بعد كدة Gaia خلفت من غير زوج:

• Uranus (أورانوس): اللي هو بيمثل السماء
• Ourea (أوريا): اللي بتمثل الجبال
• Pontus (بونتوس): اللي بيمثل البحار

وبعدها اتجوزت Gaya أخوها Uranus وخلفوا 12 تايتن (عملاق) والسكايلوب والهيكاتونكاريز، ال12 تايتن كانوا 6 منهم ذكور و 6 منهم إناث وهم:

• Thea (ثيا): معنى اسمها هو الالوهية أو المشرقة الواسعة وكانت إلهة الضوء وهى اللي خلفت (هيليوس) اللي بيمثل الشمس
• Rhea(ريا): كانت تعتبر أم الآلهة بعد غايا
• Themis(ثيميس): كانت هى الإلهة التى وضعت كل القوانين الإلهية اللى بتحكم كل شيء
• Mnemosyne(مينيموسايني): إلهة الذاكرة
• Phoebe(فيبي): إلهة النبوءة
• Tethys(تـثيس): على الرغم من كونها أم لآلهة كتير مهمين إلا أنها لم تُمجد فى الثقافة اليونانية

والذكور:

Cronus(كرونوس): بيمثل الوقت

Oceanus(اوشينوس) يمثل المحيط

Crius(كريوس): كان من الPillars (الركائز) الاربعة اللي بتحمل الجنة بعيدًا عن الأرض وكان بيمثل ركيزة الجنوب

Hyperion(هايـبـيريون): كان يمثل الضوء والحكمة واليقظة.

Lapetus(لابيتوس): كان يعتبر إله الحرفية فى روايات وإله الوفيات في روايات تانية.

Coeus(كايوس): اسمه يعنى التساؤل، وكان يمثل العقول الفضولية والفكر المستنر

أما السكايلوب دول فترجمة اسمهم الحرفية هى "عين مدورة"، ودول كائنات كبيرة جدًا بعين واحدة لهم قوة عظيمة و كانوا تلاتة :(أرجيس، ستيروبس، وبرونتس)

الهيكاتونكاريز(ترجمتها ذوو المئة يد) و دول كائنات كبيرة ليها قوة عظيمة جدًا و فوق انها عندها 100 يد كمان عندها 50 راس و في مؤرخين بيقولوا انها كانت بتحرس تارتاروس(اللي هو الأرض السفلي اللي كانت بتستخدم كسجن في البارت الأول) وكانوا بيعتبروا عمالقة الزوابع و الأعاصير و كانوا تلاتة :(برياريوس، كوتوس، و غايغس)

المهم فاكرين Pontus؟ أيوة بالظبط ابن Gaia..

اتجوزته وخلفوا:

• نريوس(عجوز البحر-the old man of the sea)
• كيتو(أم ميدوسا واخواتها)
  
• اوروبيا(إلهة ألغاز البحر)
• فوركيس(إله الاخطار المخفية)
  
• ثاوماس(ابو أريس إلهة قوس قزح)

وبكدة تكون ذرية Gaia خلصت.