سلالة الآلهة الاغريقية (3): كرونوس يبتلع أولاده

 "أورانوس" (السماء) كان بيكره السكايلوب(ذوو العين الواحدة اللي هما أولاده من غايا)، فكان بيدفعهم جوا رحم "غايا" بعضوه الذكري لحظة ولادتهم و كان سايب التايتنزال12 طلقاء عادي، ف "غايا" سيطر عليها الحزن و الألم، فكانت بتستنجد بأولادها التانيين.

 محدش أجاب دعائها غير "كرونوس"(اللي كان بيمثل الوقت و هو ملك التايتنز) فقامت "غايا" طلعت من باطنها معدن قوي جدًا مش ممكن أي حد يقهره او يغلبه و صنعت منه منجل ضخم اسمه "هاربي"، وادته لـ"كرونوس" و خبت "كرونوس" في رحمها، ولما نزل "أورانوس" و تمدد بجانب "غايا" قام "كرونوس" أخصاه فده اتسبب بفصل الأرض عن السماء و حرر إخوته و أعلن "كرونوس" نفسه ملك الآلهة و بدأ العصر الذهبي.

كان اسمه العصر الذهبي ليه بقى؟ لأن "غايا" كانت سعيدة جدًا لدرجة إنها كانت بتنتج للبشر محاصيل من نفسها من غير مساعدة من أي بشر فكان البشر سعداء و عايشين ف رخاء فكانوا بيشكروا الآلهة ويقدموا القرابين فكان الآلهة كمان سعداء.

 المهم..
من الدم اللي نزل من "أورانوس" اتشكلت الآلهة المنتقمة الثلاث (The Fates) او "الإيريني" و هما تلت آلهات إناث بتسعي للانتقام من أي حد بيقسم قسم كاذب او بيقوم بعمل شرير، و من بقية أعضاء "أورانوس" اللي وقعت في البحر(السائل المنوي) اتشكل زبد البحر اللي منه جت "أفروديت" اللي هى إلهة الجمال.

بعد فترة من الزمن "كرونوس" اتجوز أخته "ريا" (واحدة من ال12 تايتن) و رجع يحكم بنفس طريقة أبوه البشعة لأنه كان خايف من التمرد زي ماهو عمل ف ابوه فقام سجن السكايلوب (ذوو العين الواحدة) والهيكاتونكاريز(ذوو المئة يد) في تارتاروس (العالم السفلي).

خلفت "ريا" من "كرونوس" الاولمبيين(اللى هما الآلهة اللى احنا عارفينهم):
  • هيستا(ربة الموقد) و هي إلهة عذراء و أقسمت ان تظل كذلك للأبد
  • ديميتر(إلهة الطبيعة و النبات و الفلاحة)
  • هيرا(ربة الزواج)
  • هادس(ملك عالم الاموات)
  • بوسايدون(إله البحر و العواصف و الزلازل و الخيول)
  • زيوس(ابو الآلهة و البشر وإله الرعد و السماء)
جاءت نبوءة لـ"كرونوس": إن دماره هيكون علي إيد حد من أولاده فكان بيبلع أولاده أول ما يتولدوا خوفًا من إن النبوءة دي تتحقق
كرونوس يبتلع واحدًا من أولاده



فبلع "كرونوس":(هيستيا، ديميتر، هيرا، هادس، بوسايدون) وكانت "ريا" لسه حامل فـ "زيوس" و شايفة جوزها بيتحول لوحش زي أبوه، فراحت ل"غايا" تستنجد بيها ف أشارت عليها إنها تلف حجر بهدوم رنانة(فيها شخاليل يعنى😂) و تديه لـ"كرونوس" علي إنه ابنها "زيوس" فأكل "كرونوس" الحجر و "ريا" خبت "زيوس" ف جزيرة كريت و سابته للحوريات يعتنوا بيه ويربوه لحد ما كبر.

لما كبر "زيوس" اتجوز زوجته الأولى "Metis"-ابنة اوسيانوس وثيتس وإلهة الحكمة وقتها-وهى اللى نصحته انه يتنكر ف زي حامل كأس أبوه و يديله شراب مثير للتقيؤ بدلًا من نبيذه المفضل، ونجح في إخراج اخواته من بطن أبوه.



تعليقات

إرسال تعليق

المشاركات الشائعة من هذه المدونة

Todo VS Aliens

صورة
Today I'm going to talk about the Todo marketing  campaign.For those who don't know Todo:  Todo is one of Edita's products. Edita is a market  leader in baked food products, with a portfolio of  brands that includes Molto,TODO, MiMix, Bake   Rolls, Bake Sticks, and Fresca.  What is very impressive about Todo marketing  is that They have an eye for the opportunities opened by any trend using a comedic style. The thing that makes people, even if they aren't intending to buy the product, still aware of it's presence. Now, let's see an example of the innovation of this amazing marketing team of Todo:     Once upon a time  there was a brand of chocolate  milk called Cadbury Dairy Milk, ​ ​ that brand was  introduced in the United kingdom in 1905. Each  product of that brand is made exclusively with milk  chocolate. their slogan is “ free the joy".       Everyday  that brand uses social media to raise  awareness of their brand and increase their sales.      One d
قراءة المزيد

من أحق بمعرفتك أكثر من نفسك؟

صورة
  ايه هو ال MBTI؟؟ ال MBTI هو اختصار ل  Myers-Briggs Types Indicator و ده معناه مؤشر"مايرز بريغرز" للأنماط، و هو حاجة زي استبيان كدة الشخص بيملاه بناءً علي وجهة نظره و طريقة تفكيره فالحاجات اللي حواليه و بيطلعله نتايج بناءً علي اختياراته دي. الأنماط اللي بتطلع من النتايج دي هما 16 نمط مش بيتغيروا و انت لازم بتطلع واحد من ال 16 نمط دول،والتايب(النمط) بتاعك مش بيتغير، مش بيتغير،  مش بيتغير!    في دراسات عن النظرية دي بتقول ان التايب بتاعك بيفضل معاك من يوم ولادتك (حاجة زي ال DNA كدة يعني).. عارفة أول سؤال جه ف دماغكم..طب ازاي بعد كل الحاجات اللي بمر بيها فحياتي و شخصيتي هتفضل زي ما هي؟ اكيد انا دلوقتي مش هو أنا من خمس سنين؟   هقولك صح فعلًا بس انت شخصيتك متغيرتش..انت بس نضجت ، و ف ال MBTI تحديدًا ده اسمه تطوير ال functions بتاع ال type بتاعك (بس ده موضوع تاني كبير فسيبونا منه دلوقتي) المهم ان التايب بتاعك مبيتغيرش فمحدش يفكر ف الحوار ده خالص او يخليه يدخل دماغه عشان احنا ناس كبيرة و عيب كدة ♥ في ناس تانية بتفكر ان ازاي انا ممكن احصر نفسي ف نوع واحد من 16 نوع..عاوزة تفهميني ان ش
قراءة المزيد

سلالة الآلهة الإغريقية (1): Chaos وذريتها

صورة
ناس كتير عارفة زيوس وهادس وافروديت والآلهة دى..بس هل عمرك فكرت الآلهة دى جت ازاي؟ أنا هقولك، بص يا سيدى.. في فترة مكانش ع الأرض شمس و لا ضوء و لا سما و لا أي حياة أساسًا و مكانش في غير حاجة واحدة بس هي اللي موجودة اللي هي Chaos أو الفوضى، " Chaos" كانت lifeless matter (شيء بلا حياة)  وهي بتجسد المكان غير المحدد او الفراغ العشوائي  للكون و في الأساطير الإغريقية هى الحاجة الأولية اللي جه منها كل حاجة بعد كدة زي فجوة كدة او ثقب أسود، وهى  خليط كبير جامد و قوي جدًا من الكتلة و الطاقة. فى أقوال تانية بتقول ان Chaos هى المكان الواقع بين الأرض بتاع البشر و"تارتاروس" اللى هو العالم السفلى-ده غير عالم الاموات-وفى أقوال تانية بتقول ان ده كان المكان اللى بيتم نفى التايتنز ليه.  السائد والمتعارف عليه وأكتر حاجة موثقة فى الأساطير الإغريقية هى أن Chaos هى اللى اتجسد منها كل حاجة. أول حاجة اتجسدت منها كان أطفالها التلاتة اللى اسمهم الـ  primordial gods أو "الآلهة البدائية"  وهم: Gaya : وهى بتمثل الأرض وتعتبر الأم لكل ما هو جميل على وجه الحياة Tartarus: وهو يمثل العالم ال
قراءة المزيد