سلالة الآلهة الإغريقية (4): زيوس ضد كرونوس
بعد ما "زيوس" عرف يطلع اخواته من بطن أبوه درات معركة بينه و بين أبوه "كرونوس"، فكان ففريق كرونوس بعض المردة (جمع مارد يعني، من اولاد غايا غير المشهورين) ومع زيوس الأولمبيين اخواته و جه معاه السكايلوب اللي طلعهم من تارتاروس و قدموا لزيوس الصواعق يحارب بيها-اللي بقت سلاحه المشهور بعد كدة-و كان معاه كمان ذوو المائة يد اللي كانوا بيرموا احجار بحجم الجبال علي المردة دول.
فضلت المعركة دي حوالي 10 سنين وكان اسمها ال "Titanomachy"، لحد ما فاز زيوس و أعلن نفسه ملك الآلهة التالت بعد اورانوس و كرونوس وكانت نتايجه ان:
- بعت زيوس كرونوس لتارتاروس عشان يفضل هناك للأبد..
- قسم السلطة بينه و بين اخواته بوسايدون و هادس فأخد زيوس السماء و الهواء وأخد بوسايدون البحر و أخد هادس عالم الموتي.
"غايا" اتضايقت من اللي حصل لأولادها المردة ف اتجوزت تارتاروس و خلفوا "تايفوس" (وهي أفعي ضخمة لها 100 رأس بتنفث النار) ومن كتر قوتها كانت تلقب ب "أبو الوحوش" وأمرتها انها تحارب "زيوس"، وبما أنها كانت قوية جدًا فـ "زيوس" كان محتاج لمساعدة عشان يغلبها فاستعان ب "هيرمس"(رسول الآلهة اللي بيملك أحذية بجناحات) و "بان" و ده كائن نصه انسان و نصه معزة (وهو ابن هيرمس) و ف الآخر انتصروا عليها.
 |
| زيوس: إله البرق والصواعق وملك الآلهة |
بعد ما زيوس بقي ملك الآلهة واجه نفس المشكلة اللى واجهها أبوه وجده، جاتله نبوءة بتقوله ان ابنه من زوجنه الاولى "ميتيس" هيعمل عليه انقلاب وهيبقى تهديد ليه (مش فاهمة أنا ايه العيلة دي)، فـزيوس مستناش مراته تخلف بقى..لا ابسلوتلى، بلعها وهي حامل😂
وجيس وات؟ الابن اتولد وكبر واتسلح كمان جواه وخرج من جبهته، الابن ده هو Athena(أثينا) إلهة الحكمة.
بعدها اتجوز زيوس "ثيميس"(اللى هي كانت وضعت كل القوانين اللي بتحكم كل شيء) وخلفوا Horea (كانت إلهة الفصول الاربعة وكانت تعتبر برضو إلهة العدل والنظام)
وبعدها اتجوز اخته "ديميتر"(إلهة الفلاحة والزراعة) وخلفوا "Persephone" (بيرسيفوني) اللي هى إلهة الربيع
وبعدها اتجوز التايتن "مينيموسايني" (إلهة الذاكرة) وخلفوا إلهآت الإلهام أو the muses وكانوا تسعة وده لأن زيوس نام معاها تسع ليالى متتالية وهما:
- Clio: اكتشفت "كليو" التاريخ والغيتار وكانت تُمثل دائمًا انها تحمل بوق فايديها اليمين وكتاب فايديها الشمال
- Euterpe: اكتشفت العديد من الالآت الموسيقية وكانت تُمثل دائمًا بانها تحمل ناي وحولها الآت موسيقية تانية
- Thalia: كانت حامية الكوميديا، وهى اللى اكتشفت الكوميديا والهندسة والعلوم المعمارية والزراعة، وكانت تُمثل دائمًا وهي تحمل قناعا مسرحيا كوميديا.
- Melpomene: عكس اختها ثاليا، كانت "ميلبوميني" حامية المأسآة، وهى اللى اكتشفت المأسآة والخطابة
- Erato: كانت حامية الحب والشعر الرومانسي والزفاف
- Terpsichore: كانت حامية الرقص، وهى اللى اخترعت الرقصات والقيثارة والتعليم
- Polymnia: كانت حامية التراتيل الإلهية وفن المحاكاة وهى مخترعة الجبر وقواعد اللغة
- Ourania: كانت حامية االأجرام السماوية والنجوم وهى مخترعة الفلك
- Calliope: كانت ترافق الملوك والأمراء من أجل فرض العدالة والصفاء. كانت حامية القصائد البطولية وفن الخطابة.
- Apollo (أبوللو) وهو إله الشمس والرماية والموسيقى والرقص والحقيقة والنبوءة والشفاء والأمراض
- Artemis (أرتيميس):أخت أبوللو التوأم، وكانت إلهة القمر والحيوانات البرية والصيد والنباتات والعفة والولادة.
- Ares(أريس): إله الحرب
- Hebe(هيبي): إلهة جمال الشباب الدائم
- Eileithyia(إيليثيا): إلهة الولادة
- Hephaestus(هيفايستوس):إله النار والحدادين (زوج أفروديت)
تعليقات
إرسال تعليق