العنكبوت:(اسطورة أراخنى وأثينا)

 تعرفوا العنكبوت جه منين؟

كان في بنت اسمها "أراخني" وأبوها كان شاطر جدًا فنسيج الأقمشة و "أراخني" أخدت منه المهارة دى و اتعلمتها و اتفوقت ع أبوها كمان و علي كل النساجين التانيين، فالمهم "أراخني" شافت نفسها و الجلالة أخدتها وقامت باصة للسما و متحدية "أثينا" اللي هي تعتبر إلهة الفنون المنزلية أصلاً.

فطبعاً "أثينا" اتضايقت بس قررت متنزلش العقاب علي البنت علطول-إلهة الحكمة بقي😂-وقامت جاية متنكرة فشكل ست عجوزة و نزلت تكلم البنت، و قالتلها إنها قديمة فالشغلانة و إنها شافت شغلها المتقن و معجبة بيه وسمعت إنها اتحدت "أثينا" ونصحتها لوجه الله إنها تسحب كلامها وإنها ممكن تغلب البشر ماشى بس الآلهة لا.

فقامت أراخني مزوداها و قايلالها انها مبتخافش من "أثينا" و ان "أثينا" أساسًا أصلًا لو شافت شغلها هتنكسف من نفسها، فقامت "أثينا" لقت ان مفيش رجا منها فأظهرت شكلها الحقيقي و قالتلها انا قدامك أهو فطبعاً البنت اترعبت بس برضو كانت قد كلمتها و قررت تتحداها حتى لو كانت عارفة انها هتخسر.

كان التحدى ان كل واحد فيهم ينسج حاجة، فنسجت "أراخني" شوية مشاهد عن ان ازاي الآلهة بيأذوا البشر و بيعذبوهم بلا داعٍ و بعدين جه دور "أثينا" فنسجت مشاهد لمصائر ناس اتحدوا الآلهة و اعتبروا نفسهم مساووين ليهم-من باب اللى على راسه بطحة يعنى😂- و عن طرق موتهم و عقابهم و هي عمالة تنسج من مصير لمصير البنت حست بحاجة غريبة بتحصلها.

بعد ما خلصت "أثينا" نسج بصت للبنت وقالتلها انها لازم تتعاقب عشان هى اتجرأت واتحدت الآلهة، بس الآلهة مش هتسمح إن واحدة عندها مهارة زي مهارة "أراخنى" تموت؛ عشان كدة قررت "أثينا" انها هتحولها لحشرة عشان تكون عبرة لباقي البشر و فنفس الوقت هتنسج وتكون مفيدة برضو فاتحولت "أراخني" لعنكبوت (لو بصيتوا علي ترجمة عنكبوت فاليونانية هتلاقوها أراخني).

فى نسخة تانية من الأسطورة نسجت "أثينا" التحدي بينها وبين "هادس" (ممكن تقروا قصة التحدى ده من هنا) ونسجت "أراخنى" مشاهد ل"زيوس" وهو بيتودد وبيغرى نساء فانيات، وبرغم ان النسيج كان متقن وماهر جدًا و"أثينا" نفسها اعترفت بكدة بس هى كانت عاوزة تعلم "أراخنى" تحترم الآلهة وتبقى متواضعة أكتر.

قامت "اثينا" لمست جبين "أراخنى" وأول ما عملت كدة البنت حست بالعار وشنقت نفسها، وأول ما ده حصل رجعتها "اثينا" للحياة تانى وحولتها لعنكبوت وحكمت عليها انها تفضل تنسج للأبد.



تعليقات

إرسال تعليق

المشاركات الشائعة من هذه المدونة

Todo VS Aliens

صورة
Today I'm going to talk about the Todo marketing  campaign.For those who don't know Todo:  Todo is one of Edita's products. Edita is a market  leader in baked food products, with a portfolio of  brands that includes Molto,TODO, MiMix, Bake   Rolls, Bake Sticks, and Fresca.  What is very impressive about Todo marketing  is that They have an eye for the opportunities opened by any trend using a comedic style. The thing that makes people, even if they aren't intending to buy the product, still aware of it's presence. Now, let's see an example of the innovation of this amazing marketing team of Todo:     Once upon a time  there was a brand of chocolate  milk called Cadbury Dairy Milk, ​ ​ that brand was  introduced in the United kingdom in 1905. Each  product of that brand is made exclusively with milk  chocolate. their slogan is “ free the joy".       Everyday  that brand uses social media to raise  awareness of their brand and increase their sales.      One d
قراءة المزيد

من أحق بمعرفتك أكثر من نفسك؟

صورة
  ايه هو ال MBTI؟؟ ال MBTI هو اختصار ل  Myers-Briggs Types Indicator و ده معناه مؤشر"مايرز بريغرز" للأنماط، و هو حاجة زي استبيان كدة الشخص بيملاه بناءً علي وجهة نظره و طريقة تفكيره فالحاجات اللي حواليه و بيطلعله نتايج بناءً علي اختياراته دي. الأنماط اللي بتطلع من النتايج دي هما 16 نمط مش بيتغيروا و انت لازم بتطلع واحد من ال 16 نمط دول،والتايب(النمط) بتاعك مش بيتغير، مش بيتغير،  مش بيتغير!    في دراسات عن النظرية دي بتقول ان التايب بتاعك بيفضل معاك من يوم ولادتك (حاجة زي ال DNA كدة يعني).. عارفة أول سؤال جه ف دماغكم..طب ازاي بعد كل الحاجات اللي بمر بيها فحياتي و شخصيتي هتفضل زي ما هي؟ اكيد انا دلوقتي مش هو أنا من خمس سنين؟   هقولك صح فعلًا بس انت شخصيتك متغيرتش..انت بس نضجت ، و ف ال MBTI تحديدًا ده اسمه تطوير ال functions بتاع ال type بتاعك (بس ده موضوع تاني كبير فسيبونا منه دلوقتي) المهم ان التايب بتاعك مبيتغيرش فمحدش يفكر ف الحوار ده خالص او يخليه يدخل دماغه عشان احنا ناس كبيرة و عيب كدة ♥ في ناس تانية بتفكر ان ازاي انا ممكن احصر نفسي ف نوع واحد من 16 نوع..عاوزة تفهميني ان ش
قراءة المزيد

سلالة الآلهة الإغريقية (1): Chaos وذريتها

صورة
ناس كتير عارفة زيوس وهادس وافروديت والآلهة دى..بس هل عمرك فكرت الآلهة دى جت ازاي؟ أنا هقولك، بص يا سيدى.. في فترة مكانش ع الأرض شمس و لا ضوء و لا سما و لا أي حياة أساسًا و مكانش في غير حاجة واحدة بس هي اللي موجودة اللي هي Chaos أو الفوضى، " Chaos" كانت lifeless matter (شيء بلا حياة)  وهي بتجسد المكان غير المحدد او الفراغ العشوائي  للكون و في الأساطير الإغريقية هى الحاجة الأولية اللي جه منها كل حاجة بعد كدة زي فجوة كدة او ثقب أسود، وهى  خليط كبير جامد و قوي جدًا من الكتلة و الطاقة. فى أقوال تانية بتقول ان Chaos هى المكان الواقع بين الأرض بتاع البشر و"تارتاروس" اللى هو العالم السفلى-ده غير عالم الاموات-وفى أقوال تانية بتقول ان ده كان المكان اللى بيتم نفى التايتنز ليه.  السائد والمتعارف عليه وأكتر حاجة موثقة فى الأساطير الإغريقية هى أن Chaos هى اللى اتجسد منها كل حاجة. أول حاجة اتجسدت منها كان أطفالها التلاتة اللى اسمهم الـ  primordial gods أو "الآلهة البدائية"  وهم: Gaya : وهى بتمثل الأرض وتعتبر الأم لكل ما هو جميل على وجه الحياة Tartarus: وهو يمثل العالم ال
قراءة المزيد